تعريف إلتهاب الجيوب الأنفية أو لا سينوزيت
إلتهاب الجيوب الأنفية أو كما كنعرفها فبلادنا المغرب بلا سينوزيت,هي عبارة عن إلتهاب الجيوب الأنفية اللي كتواجد فالعضام الجمجمة ديال الإنسان,كتكون بالخصوص فالأنف و فالجبهة و فالحناك ديالو,تقرينبا تحت العينين , كتعتبر هاد الجيوب ملتهبة مللي كتعمر بالهواء.
الأسباب ديالها
السبب ديال الإصابة ب (لا سينوزيت) أوإلتهاب الجيوب ألأنفية هو إما سبب جرثومي بحيث كتصيب الإنسان مكروب أو جرثومة أو بسبب زكام ما تداواش مزيان أو بسبب ااستنشاق الغبرة أو المعطرات الإصطناعية أو مبيدات الحشرات,أو بسبب عيب خلقي فأحد الجيوب الأنفية ,فهاد الحالات كاملين كتعمرهاد الجيوب الأنفية بالإفرازات المخاطية و بالجراثيم ,الشي اللي كينتج عليه انسداد هاد الجيوب الأنفية و الإلتهاب ديالها
الأنواع ديالو
زوج أنواع,الحاد و " اللي كيجي للشخص نادرا فالحياة ديالو " و المزمن و اللي كيجي للشخص أكثر من 3 ديال المرات و فترة قصيرة لأنه إما ما شفش اطبيب و دوا راسو براسو, يا إما العلاج اللي عطاه اطبيب ما كانش فعال,يا إما ما كملش العلاج اللي خرخ ليه اطبيب ديالو
العلامات ديال النوع الحاد - حريق الراس
- اسخانة
- ألام فالراس و مرا الراس "على حسب الجيب اللي مريض"
- نيف كيسيل بواف "خصوصا إلى الوحد احنا راسو"
- ما كيبقاش الواحد كيشم مزيان
العلامات ديال النوع المزمن
تقريبا بحال الحاد إلا أن المصاب بالنوع المزمن ما كتجيهش اسخانة,ولكن كيبقاو الجيوب الأنفية ديالو مخنوقين,هاد النوع كيقدر ينتج عليه حوايج خايبة بحال "لا مينانجيت" أو إلتهاب السحايا أو لا قدر الله أورام فالمخ...
العــــــــــــــلاج :
اضروري يزور لمريض طبيب إختصاصي فأمراض الأنف و الحنجرة,العلاج فأغلب الأحيان كيكون بالمضاضات الحيوية + مسكنات بحال الأسبرين أو البراسيتامول و غيرها + دواء كيساعد على تسريح الجيوب الانفية
صياغةو ترجمة هشام اعبابو
المصدر موسوعة ويكيبيديا
